無聊

我換左張牆紙，唔知佢有冇睇過。
剛過去星期一，本來是開心既日子，無奈只在平凡中孤獨地過。

其實，我想去開展另一段感情，但是我有點怕，怕再次受傷，點解佢要這樣做呢?我發覺自己很傻，為何還要記住她以前所講的一切呢?她曾經說過，她不會提出分手，但到去年，為何要她要親手弄破我的美夢？點解她要這樣做呀?

她現在過得很開心，她有没有理會我的感受？原來她所講的都是大話，我傷口很痛，我都相信她有傷口，她都唔想有，點解她會這樣的？她可否在這裡留言呢，我等待這一天來臨。

封筆?!

我打這編文章時，已經係凌晨一時半。我諗有好多人已經與周公閒談，而我只不過想寫多編日記而已。

不知道為何，近排好想喊，或者我們的"紀念日"就快吧。我不知道佢會否再到我個網誌，看看我這個傻瓜寫什麼"偉論"，當然，我想佢看到，甚至感受到我一言一語的感情。雖然，我不知佢想點，或者當成我個閒人，又或者當成我是個自討苦吃的人，總之，我不理會你怎樣看待，我只想表達我的情感。我唔係一個水泡，唔好當我係，感情不是一種玩具。感情可以令人開心，亦都可以令人痛心。今次是你放棄我，是你將我由天堂變地獄。

我的表達能力不太好，我送一首歌比佢，希望佢能領悟。

-------------------------------------------------------------------------------------------------------------------------------------------

愛的故事(上集) 孫耀威

星的光點點灑於午夜  人人開開心心說說故事
偏偏今宵所想講不太易  遲疑地望你想說又復遲疑
秋風將湧起的某夜  遺留她的窗邊有個故事
孤單單的小伙子不顧寂寞  徘徊樹下直至天際露月兒
冬風吹走幾多個月夜  為何窗邊的她欠缺注視
刻於窗扉小子寫的愛慕字  完全沒用像個飄散夢兒
今宵的小伙子傾吐憾事  誰人癡癡的要再聽故事

△偏偏癡心小子只知道上集  祈求下集是個可愛夢兒

○知不知對你牽上萬縷愛意  每晚也痛心空費盡心思
  這小子欲斷難斷這故事  全為我愛上你偏偏你不知
  (全為我愛上你偏偏你不知)

春風輕吹點點火花襯月夜  人人開開心心說說故事
終於傾出這小子的往事  長年累月為你怎再自持
今宵知否對你的暗示  為何真的將它當故事

 (Repeat△○)

☆知不知每晚想你十次百次  每晚也去等  因為極心癡
  可不可合力延續這故事  延續這片愛意一生兩相依

  (Repeat○☆)

-------------------------------------------------------------------------------------------------------------------------------------------
我或者不再會日日在這裡留言，或許，當有一日我見到佢的筆跡，我會再次留言。

bye

問題

佢問過我，我起哩個blog點解，係咪放唔低佢。某程度上可以話係，點解？我都唔知點解，或者可以咁講，同佢一樣，仲有d鍾意佢掛。大家係埋一齊兩年半有多，如果冇分開既話，仲有一個星期就到拍拖週年紀念，四年呀。
今年係世界杯年，四年前，佢入院，我日日收工去探佢，日日等佢電話，聽到佢電話我好開心，最記得佢出院果日係巴西對英格蘭，我仲攞左假去睇波添。
四年前發生大事，四年後既今日，又唔知會發生咩事呢？講真，今次傷得我好緊要，我有d怕，怕乜？連我都唔知，唉....................。
分開左年幾，佢仲有d嘢唔同我講，唔知佢知唔知呢？

一鼻子灰

我今朝打電話比佢，問吓佢揾我咩事，佢竟然話冇事，話攪掂左，佢既語氣好差，再問兩次又話我煩.......，唉，我諗住佢有嘢唔明先至打比佢啫，洗唔洗咁樣呀。

再問之下，原來咁唔鍾意我攞佢張相上嚟喎，咁咪唔放囉........，仲要比佢話我痴痴地線。我認冇問過佢就攞上嚟，要唔要咁惡呀........sorry。

我近排都唔知仲乜，個個都話我殘、好謝，我個樣真係好殘好謝咩？我唔知仲乜嘢，無端端同佢講，要收番幫佢買嘢d錢，我傻左，都隔左咁耐啦，仲提嚟仲咩，唔好意思呀，我冇心呀。講真，哩一年我好辛苦，做每一樣嘢都是欠運，無一次係順順利利，都唔知要黑到幾時。

好悶呀

今日係星期日，天氣唔係咁好，時晴時陰，攪到個人好鬼悶，成日係屋企打機。

今日下午出街食飯，順便去睇D嘢，無意中我發現左佢鍾意既嘢，我諗佢一定鍾意。

唔知佢今日又冇嚟呢？點解要我打比佢呢？佢打比我得唔得呢？
我唔知佢仲記唔記得，我生日話過送張生日咭比我，過左半年啦，連影都冇，唉..........

有咩唔明呀，可以用回覆，我一定睇，一定覆。

時晴時陰

今日天氣非常彷彿，時晴時陰，我心情就好似天氣一樣。

晴，佢會覆我既sms。陰，佢仲未有回覆我任何一編網誌。佢話唔明我寫咩，佢可以用回覆，點解佢唔用呢？到目前這一刻，今日佢都未嚟過，未知一陣會唔會呢？

佢可否給我一點意見呢？

佢嚟過呀

昨晚佢寫sms比我，話唔明喎，咁我問佢咩唔明，佢話哩個blog喎。

今朝佢打比我，好唔好彩，我好忙，整日都冇打番比佢，佢係收工時間再寫sms比我叫我得閒打比佢喎。

唔知點呢？

今日我終於寫左sms比佢，話比佢知我開左哩個blog，我唔知佢會唔會去睇，希望佢會嚟睇啦。

哈哈，我今日收到張股票，希望有朝一日有用啦。

端午節

端午節，應該開開心心既，但係我就...............。

我做好左這個blog，連yahoo我都做好左，我想話比佢知，本日記可好唔需要咁快比番我住，兼且佢可以留言添，但我冇勇氣去話佢知，天啊，你可唔可以叫佢打個電話比我，一嚟我可以開心D，二嚟我唔洗咁尷尬啦。

星期一佢打個電話比我，佢同我講，話唔舒服所以唔出嚟住。唉，佢又復發呀，點解要折磨佢，佢已經有一排冇事啦，點解個天總要玩佢同我呢？希望佢冇事啦，我會支持佢既。