慘

這兩天又再次"拉親"，右手至心口都好痛，攪到隻右手冇力，慘.............

同感

有時覺得自己好似同空氣談話，你有同感嗎？

回應你的答覆

你有咩特別感覺？可唔可以話我知？

漂亮嗎？

漂亮嗎？喜歡嗎？我送給你好嗎？

你可以告訴我嗎？

你可以告訴我嗎？到現在的這一刻，我還不明白你為何會這樣做。

時間不可以停留、不可以倒流，我曾經的想過、曾經的自我安慰，告訴自已從來沒有認識過你。但事實上，我做不到。

當我看到你的回覆，總算有些安慰。

今次真的真的很痛，這個傷口不能痊癒。唯有時間，時間可以沖淡一切，時間可以令疤痕變得暗淡。

(有沒有留意上面有張新相片？)

30/11/2007

很艱難我們才可以坐下來食餐晚飯。

哭又有何用呢？憎恨又如何呢？倒不如開開心心過每一天，對嗎？

人要長大，不可以停留在某個階段，知道嗎？

Brithday

一個人獨自過的生日，你有試過嗎？
你知不知道我近年的生日如何過嗎？我只可以用兩個來形容，痛苦。

痛苦，痛在心，苦如何假裝沒有事、毫不在乎的樣子，你有沒有試過呢？或者這一刻你不覺得是什麼的一回事，但我在乎。在乎什麼？這樣不用多說，我想，你會知道的。

我怕、我驚。我怕再去發展，我驚會再有這一天出現。你又知道嗎？

最近，夜晚重播妙手仁心第一至第三輯，有很多對白、情景令我回想很多很多，令我很感觸，令我感覺到似曾相識，你有否留意？

有點兒"失望"..........

"失望"這一字對於我來說，已不再是一個負面的詞語，而是個普普通通的詞語，不再含有任何信息、含意。你知道為何？

你還記得你自己說過什麼？有幾多會真的兌現？

我還是向現實低頭，現實始終是現實，有幾無奈、痛苦，一樣要接受。你已有三個月没有到訪了，你始終都是愛新鮮的人，是否已忘記得一乾二淨？或者你已經看到厭，發覺我來來去去都是三幾樣，沒有特別。但，我所打的，都是出自我內心，每句話都是真。

當你再到訪時，世界變到了怎樣？

妄想?

同你一齊既時候，我有個想法，你已經經歷過這麼多不愉快事件，你應該學會"珍惜"兩個字。我給與你百分百的信任，倒頭來便是一無有。

我是否有妄想？去想一些根本不會發生的事呢？

問題

如果時光可以倒流，你會怎樣選擇呢？會否像當時一樣呢？
我知道自己已没有希望，但都想知道答案，可否告訴我呢？

回憶，已是過去。但這份過去的回憶，可否不再做過去的"回憶"呢？

我還有利用價值？

我不知道你看完會有什麼反應，但最少講出我感受。

其實你每一次找我，我都好開心。但想深一層，你每次找我都好似有要事，我並不介意你當有要事才找我、才想起我。但當想起你有事才會記得我，那種矛盾心情，非言語、紙筆能形容。

有時候，我討厭自己，發覺自己很傻。

討厭甚麼？討厭自己是否對你不足，討厭自己不合適做別人的男友，甚至"老公"。這些"討厭"足足陪伴我兩年幾。我有嘗試去掉下這些"討厭"，但總不成功。傻，傻在那裡？傻在自己騙自己，你總會有一天會回來，去做一些有結果的事。寫日記，將那本日記送給給你。打網誌，每天上線查看你有否留個回覆給我。摺星星，渴望你收到之後會喜歡。固意去找你喜歡的物品，每年你的生日都為你準備生日禮物，還擔心你不會喜歡，等等。我亦曾經想過去轉電話號碼，不再讓自己有機會去找你，但始終都没有這樣做。隨時間一分一秒、一天一天的過去，這個"大話"依然令我淘醉。為甚麼呢？為甚麼我會這樣做呢？

當聽到你與他的事，感覺更加酸，世界上没有一樣東西可以比上。起初以淚洗臉的日子並不好受，你有試過嗎？知道當中的苦嗎？近排，這種"苦"又重臨了.............。

其實我好想學會怎樣放低，但總是學不懂。

要習慣單獨過的日子了，這個夢，何時才會醒呢？

如有甚麼開罪的對方，請諒。

祈望

祈望你有說話同我講，或者見到你的文字。

舊歌

今日係論壇度聽舊歌，下面係其中一首，重覆聽左幾次。

 

講不出再見  

 

 是對是錯也好不必說了
是怨是愛也好不須揭曉
何事更重要 比兩心的需要
柔情蜜意怎麼可缺少
是進是退也好有若狂潮
是痛是愛也好不須發表
曾為你願意 我夢想都不要
流言自此心知不會少
這段情 越是浪漫越美妙
離別最是吃不消
我最不忍看你 背向我轉面
要走一刻請不必諸多眷戀
浮沉浪似人潮哪會沒有思念
你我傷心到講不出再見

提醒

不知道為什麼我覺得很悶、好唔開心，忽然間很想知道你的事、有d嘢想做。

有"朋友" "提醒"我今年28歲，應該要計劃將來，尤其是女人。我同佢講，早幾年前曾經有過。
但，這些會從天而降的嗎？同我講要努力，努力又如何，要有緣。緣，何時會在我身上呢？

算吧啦，我都係冇咁既褔氣。

電話背後

與你通電話那一剎，可以說"悲喜交加"。"悲"，恐怕你會說一些我連自己接受不到的說話。"喜"，很開心大家還會關心對方。
當我問到你何時結婚，我個心很想你答我那個答案，但你...............。
雖然到最後都答了，但你竟然戲弄我，將你的快樂放在我的痛苦上。關系疏遠了，我已經分不清那些是真、那些是假了。
你真的明年去看李克勤演唱會嗎？會與我一起去的嗎？我祈待這一天的來臨。

注意

如果想睇我既網誌，請先登入雅虎，謝謝。

歌

下面連結係我曾經好鍾意既一首歌，家陣送比你，留意歌詞啦。

http://www.coolmanmusic.com/group/loverain/loverain200102.html

放假

入紙放假，又叫我改期。如果改又改到唔知點，唔改又好似唔比面。唉，煩呀。有又煩，冇又煩。

早排發左個夢，竟然...............。

我打電話比你，你好開心咩，係咁笑，都唔記得問你咩事添。
你又話唔開心既，問你咩事，你又話長篇，幾時得閒出嚟呀？

現實

這個世界是否這麼現實？
當你們有需要找我幫忙既時候，就會自自然然記起我。但當没有需要時候，就像街上的陌路人，為何呢？是否我還有利用價值，還是有其他理由呢？
你可否告訴我呢？

節錄

下面幾句很切合我想講的說話：

你不會知你已傷害了我，但請你只傷害我便夠了，不要令你身邊的家人難過，我不知你發生何事，但我知你對不起你身邊的人，我不知你為何要傷害深愛你的身邊人。每當你做何事，請你細想身邊人的感受。

等

我影d芝麻街靚唔靚呢？仲有架，不過未影到。
你好似簽約簽左一年半咋喎？續約未？有冇人工加呀？

煩惱

走？唔走？
係哩度差唔多六年，上星期有人叫我走，叫我去佢家姐間公司度做，人工八千左右。
當時第一個感覺，嘩，好叫引呀。

但係諗落，家陣走會唔見四千幾元。當諗到哩度，咪攪啦，或者有機會轉長工呢。
相反去諗，唔走，唔知出年會點，續定唔續？冇人會知，到時未必又有機會，咁點呢？唉.............

點算呢？去定唔去？比d意見啦.........

農曆年過後

農曆年過左啦，最近如何？公司多唔多嘢做呀？
你每年都會去做身體檢查，結果如何呀？

我地都好耐冇見過面、通電話呀。但當我攞住個電話，想打比你，但我唔知想點講，好矛盾。
點解最近你冇係我哩度留言？係咪已經忘記左我？我覺得好孤寂、苦悶。
唔知點解，最近好唔開心，見到人地一對對，自己就單身，心好酸、眼泛淚光，你話我係喊包都係咁。
我甜言蜜語、花巧手段我一d都唔識。人生要有目標，初時你係我目標，我要娶你做我老婆，你亦都比左個希望我，但最後你親手摧毀。

我唔係要埋怨任何人，或許有緣無份？

情人節

今日係情人節，亦都係第三年冇人同我過，好悶呀。
今日係街見到好多人攞住扎花，我心諗，如果我地係埋一齊，我都會買扎花送比你，同埋送個"十排"比你。
我係公司個櫃桶入面，仲有張情人節卡係度，我呢張卡係兩年前買，好有意思，原本想送比你，點知.......，唔知幾時可以送呢。

隨筆

近排好唔開心，好多嘢諗，好想喊。
好想係度見到你打嘢比我，但.........
我唔知道你仲有冇嚟度我哩度，或者你已忘記我吧。
我日日都有上嚟睇吓有冇人瀏覽，我好想知，是你嗎？

我上個禮拜跌到，隻腳痛，但始終都不及心痛。
星期六晚食飯，抽到現金獎，哈哈.....

回憶

不經不覺差不多又到"特別日子"，你還記得嗎？
有人對我說，我應該放下，不應再回望以前。當聽到這些或類似的說話時候，我心就會自自然然回答：「若真的這麼容易，傷口早已復完，甚至已經脫離孤獨行列。但，現在..............」

自從你離開後，我可肯定，没有一天開心過。我每天都會檢查電郵信箱，看看有否你的回應，但都是失望而回。
我去愛一個已經不再愛我的人，其實我是否很傻？

你之前找我有什麼事呢？我未有空找你，點樣呀？

12-01-2007

今日係星期五。
唉，好多嘢想寫，好多嘢想講，但唔知點樣寫好。
你都好耐冇搵我啦，我都好耐冇聽過你把聲。最近忙D咩呀？

我覺得我自己越嚟越冇用咁，冇咩心情、好灰咁。

一句問候

近幾日天氣凍左呀，有冇著多件衫呀，你要小心身體呀。
我近排都係咁啦，早又訓唔到，遲訓又訓唔到。

白日夢

你幾時先再留言比我呢？

有時係度諗，如果我同你冇事發生，現在會點呢？
或者你已經做左我老婆都未定，哈哈....(純粹發夢)。

如果我即將離開這個世界，你會有咩同我講呢？(希望唔好發生..........)

(.....咪鬼諗埋d冇答案既嘢啦)

新的一年，新的開始

新的一年，新的開始，祝你身體健康。

剛剛回家，剛才在街上見到很多一對一對的，我不知何時才會有呢？
過去的一年，是我過得最不開心的一年。或者你會問，為何？答案連我都不知。

我只想在新的一年，過得開心一點，你可以幫我這個忙嗎？